نکاح غیراسلامی عمران خان با بشرا بی بی !
عمران با همسرش بهدلیل نکاح غیراسلامی بههفت سال زندان محکوم شدند
خبرگزاری حاما: دادگاه پاکستان، عمران خان، نخستوزیر پیشین پاکستان و همسرش بشرا بیبی را بهدلیل نکاح غیراسلامی بههفت سال زندان محکوم کرده است.
این دادگاه، بهروز (شنبه، ۱۴ دلو) هر یک را بهپرداخت ۵۰۰ هزار روپیه پاکستانی جریمه نموده است.
همزمان با این، عمران خان، نخستوزیر پیشین پاکستان و همسرش بشرا بیبی، در هفته گذشته بهاتهام فروش هدایای دولتی از سوی دادگاهی در پاکستان، به ۱۴ سال زندان محکوم شده بودند.
از سوی دیگر، بهروز دوشنبه، ۹ دلو، در دستور شفاهی دیگر، عمران خان و شاه محمود قریشی، هر یک، بهده سال زندان در پرونده افشای اسرار دولتی از سوی دادگاهی در راولپندی محکوم شدند.
عمرانخان و همسرش بهدلیل اتهامهای وارده، از تصاحب هرگونه منصب دولتی، تا ۱۰ سال دیگر منع و مکلف بهپرداختن ۷۸۷ میلیون روپیه پاکستانی شدهاند.
محمد حفیظ فرملی
#Hama_News_خبرگزاریحاما