اهداء مدال شجاعت ریاست جمهوری کوزوو به زنان افغانستان !
ویوسا عثمانی، رئیس جمهور کوزوو در مراسمی تحت عنوان «مجمع بین‌المللی زنان، صلح و امنیت» مدال شجاعت ریاست‌جمهوری کوزوو را به زنان افغانستان اهدا کرد.
خبرگزاری حاما: بر اساس گزارش‌ها دومین مجمع بین‌المللی زنان صلح و امنیت روزدوشنبه، بیست‌وهفتم حمل به هدف گفت‌وگو در زمینه امنیت و صلح و انعکاس صدای بازماندگان خشونت جنسی برگزار شد.
این جایزه از سوی رئیس جمهور کوزوو به زهرا نادر، مدیر مسئول زن تایمز، مدینه دروازی، عارفه فاطمی و شماری دیگر از نمایندگان زنان در افغانستان اهدا شد.
همچنین رئیس جمهور کوزوو در مراسم اهدای جوایز تاکید کرده که مردم کوزوو از مبارزات زنان افغانستان حمایت می کنند.
گفتنی است که در این مراسم شماری از چهره‌های سرشناس بین‌المللی از جمله هیلاری کیلنتون، وزیر خارجه سابق آمریکا، رئیس‌جمهور اسلوانیا، رئیس‌جمهور آلبانیا و نمایندگان کشورهای دیگر به گونه آنلاین و حضوری شرکت و سخنرانی کردند.
سال گذشته مدال شجاعت ریاست جمهوری کوزوو به زنان اوکراین اهدا شده بود.
محمد حفیظ فرملی
#Hama_News_خبرگزاری‌حاما
