اخراج مهاجرین افغان توسط حکومت تاجیکستان، خشم کاربران شبکه های اجتماعی را برانگیخت !
اخراج مهاجران افغان از تاجیکستان خشم کاربران شبکه های اجتماعی را برانگیخته است.
خبرگزاری حاما: تاجیکستان در روزهای اخیر ده‌ها شهروند افغان را اخراج کرده است.
پولیس آنها را بدون هیچ محاکمه یا حکم دادگاه رد مرز کرده است، این اقدام باعث اعتراض های کم سابقه در میان کاربران شبکه‌های اجتماعی تاجیکستان شده است.
این اخراج‌ها در تاجیکستان، کشوری با نظام استبدادی که انتقاد از مقام ها نادر است، باعث خشم عمومی شده است.
بسیاری از افراد اخراج‌شده به طور ناگهانی توسط پولیس احضار شده و بدون هیچ دادرسی قانونی اخراج شدند، با اینکه ویزای موقت یا اسنادی داشتند که نشان می‌داد پناهنده ثبت‌شده هستند.
نصرت‌الله محمدزاده، سخنگوی وزارت داخله تاجیکستان، گفت که از این اخراج‌ها اطلاع ندارد و افزود که اتباع خارجی در صورتی اخراج می‌شوند که قوانین مهاجرت را رعایت نکنند.
اما دفتر کمنشری عالی سازمان ملل در امور پناهندگان (UNHCR) در دوشنبه اعلام کرد که حداقل ۳۷ نفر از افغان‌های اخراج‌شده دارای وضعیت پناهندگی بودند.
تاجیکستان که حدود ۱۳۰۰ کیلومتر مرز مشترک با افغانستان دارد، میزبان مهاجران و پناهندگان افغان با مدارک رسمی و غیررسمی است.
#Hama_News_خبرگزاری‌حاما
