وزارت خارجه اوزبیکستان اعلام کرده است که این کشور ۱۷۰ تُن مواد خوراکی و البسه به افغانستان کمک کرده که در بندر حیرتان سپرده شده است.
این وزارت با نشر خبرنامهای گفته است که دولت اوزبیکستان ۱۷۰ تن کمکهای بشردوستانه شامل آرد، گندم، برنج، روغن، پوشاک و کفش به افغانستان ارسال کرده است.
بر اساس خبرنامه این کمکها از طریق زمینی در بندر حیرتان ولایت بلخ ارسال شده و از سوی عصمت الله ارگاشیف، نماینده ویژه رییس جمهور اوزبیکستان در امور افغانستان به مقامهای امارت اسلامی تحویل داده شده است.
دولت اوزبیکستان پیش از این هم کمکهای بشردوستانه شامل مواد خوارکه و البسه به افغانستان فرستاده بود.
